راولپنڈی۔2مئی(اے پی پی)پاک فوج امن، استحکام اتے خوشحالی کیتے پاکستان دا تکڑا عزم دوہریندے واضح کیتے جو جنگ مسلط کرݨ دی کہیں وی کوشش دا یقینی اتے فیصلہ کن ولدا ݙتا ویسی، مسلح افواج دفاع وطن کیتے اپݨے عوام دے ن??ل ہک مٹھ کھڑن۔ آئی ایس پی آر دے مطابق آرمی چیف جنرل سید عاصم منیر د?? زیرِ صدارت خصوصی کور کمانڈرز کانفرنس جی ایچ کیو راولپنڈی اچ تھئی۔ کانفرنس خطے دی موجودہ صورتحال دا جامع جائزہ بالخصوص پاک- بھارت کشیدگی اتے علاقائی سلامتی تے غور کیتے اتے کہیں وی جارحیت یا مہم جوئی دے خلاف پاکستان دی مسلح افواج دے ملک دی خود مختاری و علاقائی سالمیت کوں برقرار رکھݨ دا عزم دوہرائے۔ آرمی چیف مسلح افواج دی غیر متزلزل پیشہ وارانہ مہارت، ثابت قدم حوصلے اتے آپریشنل تیاریاں دی تعرفی کریندے پاکستان دی مسلح افواج دفاع وطن کیتے اپݨی عوام نال ہک مٹھ اے۔ آرمی چیف سارتے محاذاں تے چوکنا رہݨ اتے فعال تیاریاں دی اہمیت تے زور ݙتے۔ فورم بھارت دے غیر قانونی طور تے مقبوضہ جموں و کشمیر اچ بھارتی مظالم تے ودھ چنتا کیتے اتے آکھیے جو بالخصوص پہلگام واقعے دے بعد بھارتی افواج لائن آف کنٹرول دے معصوم شہریاں کوں مسلسل نشانہ ٻݨیدی پئی اے، بھارتی فوج دی غیر انسانی اتے بلا اشتعال کارروائیاں علاقائی کشیدگی ودھیندن، جیندا مؤثر اتے مناسب ولدا ݙتا ویسی۔ شرکا بھارت ولوں سیاسی و فوجی مقاصد سانڳے مستقل طور تے گھڑیے ونڄݨ آلے خود ساختہ بحراناں تے تشویش کیتی۔ شرکاء آکھیا جو اندرونی انتظامی ناکامیاں لکاوݨ کیتے بھارت پہلے توں طے شدہ طریقہ کار دے تحت انہاں اندرونی مسائل کوں ہمیشہ توں بیرونی رنگ ݙیندا رہے، اینڄھے واقعات نال بھارت یکطرفہ چالاں نال” سٹیٹس کو” کوں وٹاوݨ دی کوشش کریندے ڄیویں 2019 اچ ݙٹھا ڳئے ڄݙاں بھارت مقبوضہ کشمیر اچ آرٹیکل 370 دی منسوخی نال “سٹیٹس کو”کوں یکطرفہ طور تے وٹاوݨ دی کوشش کیتے پلوامہ دا ڈرامہ رچائے۔ شرکاء کانفرنس آکھیا جو پہلگام دے حالیہ واقعہ دا مقصد پاکستان دی توجہ مغربی سرحداں اتے اقتصادی بحالی کیتے جاری کوششاں توں ہٹاوݨ اے کیوں جو انہاں ݙو عوامل اچ پاکستان فیصلہ کن اتے پائیدار ترقی دو ودھدا پئے، بھارت کوں انہاں مذموم ہتھکنڈیاں دے ذریعے اپݨی دہشتگرد پراکسیاں فعال کرݨ اچ ناکامی چاوݨی پوسی۔ شرکا چنتا کیتے جو بھارت پہلگام واقعہ دی اݙ اچ سندھ طاس معاہدے کوں نقصان پچا تے پاکستان دے قانونی و بنیادی آبی حقوق غصب کرݨ چاہندے، بھارت دا پاݨی کوں بطور ہتھیار استعمال کرݨ ٻہوں خطرناک اے کیوں جو ایندے ن??ل نا صرف پاکستان دی 24 کروڑ آبادی متاثر تھیسی ٻھل جنوبی ایشیا اچ عدم استحکام ودھسی۔ شرکاء کانفرنس پاکستان اچ دہشت گردی دیاں سرگرمیاں منظم کرݨ اچ براہ راست بھارتی فوج اتے انٹیلی جنس دے ملوث ہوݨ دے ن??قابل تردید شواہد تے وی چنتا کریندے آکھیے جو ریاستی سرپرستی اچ تھیوݨ آلے اے اقدامات بین الاقوامی قوانین دی صریح خلاف ورزی اتے ن??قابلِ قبول ہین۔ فورم واضح کیتے جو جنگ مسلط کرݨ دی کہیں وی کوشش دا یقینی اتے فیصلہ کن ولدا ݙتا ویسی، پاکستان دے عوام دیاں امنگں دا ہر قیمت تے احترام کیتا ویسی۔ شرکا عزم دوہرائے جو پاکستان دے امن و ترقی دا راستہ کہیں وی بلاواسطہ یا پراکسیز نال کھنݙائی ونڄݨ آلی دہشتگردی، جبر یا جارحیت نال نئیں روکیا ونڄ سڳدا، بھارت دیاں جان ٻجھ تے عدم استحکام دیاں کوششاں کوں قومی عزم اتے واضح اقدامات نال ناکام کیتا ویسی۔ کانفرنس دے چھیکڑ تے آرمی چیف ملک دے دفاع کیتے تھیوݨ آلیاں آپریشنل تیاریاں اتے مورال تے ساریاں فارمیشنز اتے سٹرٹیجک فورسز تے مکمل اعتماد ݙکھائے۔
