پشاور۔ 02 اکتوبر (اے پی پی) قائم مقام صدر سید یوسف رضا گیلانی آکھئے جو دنیا وچ اپݨا حقیقی مقام حاصل کرݨ کیتے پاکستان کوں ٹیکنالوجی تے تعلیم وچ ولدا ترقی کرݨی پوسی، سرمایہ کاری ودھاوݨ کیتے ماحول کوں کاروباری کمیونٹی کیتے ولدا سازگار بݨا??ݨ دی لوڑھ اے ، معاشی گھاٹے وچ کمی آئی اے تے ملک دے جی ڈی پی وچ بہتری دے اعداد و ش??ار آندے پئن، ٹیکسٹائل انڈسٹری وچ بہتری آئی اے، معدنی وسائل دے شعبے وچ بے پناہ موقع موجود ہن۔ اے ڳالھ انہاں پاکستان بزنس سمٹ دی افتتاحی تقریب نال خطاب کریندے آکھی ۔ تقریب وچ وزیراعظم دے مشیر نجکاری محمد علی، وفاقی وزیر خزانہ ??ینیٹر محمداورنگزیب، گورنر خیبرپختونخوا فیصل کریم کنڈی، چیف ایگزیکٹیو افسر البرکہ بینک پاکستان لمٹیڈ محمد عاطف حنیف، تے ݙوجھیاں اہم شخصیات شرکت کیتی۔ تقریب نال خطاب کریندے قائم مقام صدر آکھئے جو پاکستان دی 60 فیصد آبادی تریمتاں تے مشتمل اے، انہاں دی معیشت وچ شمولیت نال ہی بہتری ممکن اے۔ انہاں آکھئے جو ملالہ یوسف زئی ملک دا ناں روشن کیتے تے نوبل انعام حاصل کیتے۔ کے پی کے وچ سیاحتی معیشت ٻہوں اہمیت رکھیندی اے ۔سیاحت دے ودھارے کیتے سکیورٹی صورتحال وچ بہتری ٻہوں اہم اے۔ سیاحت ملک دا زرمبادلہ ودھا??ݨ دا چنڳاں ذریعہ بݨ سڳدی اے۔ انہاں آکھئے جو خطے وچ کاروبار دا ٻہوں پوٹینشل اے، پاکستان معاشی طور تے مستحکم تھیندا پئے، کاروبار کیتے موقع پیدا تھیندے پئن، پاکستان معاشی لحاظ نال صحیح پاسے ویندا پئے۔ لوکل تے انٹرنیشنل سرمایہ کار پاکستان وچ سرمایہ کاری کریندے پئن۔ حکومت سرمایہ کاری کیتے چنڳاں ماحول ݙیوݨ کیتے کوشش کریندی پئی اے۔ انہاں آکھئے جو آئی ٹی سیکٹر وچ وی ترقی کریندے پیوں ، پاکستان خطے وچ ٻہوں اہم حیثیت رکھیندے۔ انہاں آکھئے جو سیاحت کیتے سکیورٹی ٻہوں ضروری اے، دہشتگردی روکݨ کیتے پہلے اساں ڳالھ مہاڑ دا رستہ چݨیا، جݙݨ ڳالھ نہ ??ݨی تاں ول سختی دا رستہ چݨیا ڳیا۔ دہشتگردی نال 2.5 ملین لوک بے گھر تھئن جنہاں کوں ولدا آباد کیتا ڳیا۔ انہاں آکھئے جو اساں ہک آزاد تے خود مختار افغانستان چاہندوں ، افغانستان دی سرزمین پاکستان دے خلاف استعمال کائنی تھیوݨی چاہیدی۔ تقریب نال خطاب کریندے وفاقی وزیر خزانہ محمد اورنگزیب آکھئے جو معاشی استحکام کیتے لوکلائزیشن ضروری اے۔ انہاں آکھئے جو معیشت وچ پرائیویٹ سیکٹر دا کردار ٻہوں اہمیت رکھیندے ایں کیتے پرائیویٹ سیکٹر کوں اڳوں تے گھن تے ونڄݨا اے ایندے کیتے ٹیکس وچ اصلاحات نال اڳوں ٹُرݨاں پوسی۔ انہاں آکھئے جو لوکل تے انٹرنیشنل سرمایہ کاری دی پالیسی وچ ہم آہنگی ہووݨی ضروری اے۔ پرائیویٹائزیشن دے ع??ل کوں حکومتی سطح تے بہتر بݨایا ویندا پئے تاں جو سرمایہ کاری دے مثبت نتیجے نکلن۔ انہاں آکھئے جو پاکستان دی ترقی تے ڈویلپمنٹ پروگرام دا 4.3 ٹریلین روپے دا بجٹ رکھیا ڳئے۔ انہاں آکھئے جو مانیٹرنگ پالیسی نال معیشت وچ بہتری آسے۔ خام مال برآمد کرݨ وچ پیش مسئلیں دے حل دی کوشش کریندے پیوں ، ٹیکس بیس کوں ودھاوݨ تے کم کریندے پیوں ۔ ایف بی آر دا کم ہݨ صرف ٹیکس اکٹھا کرݨا رہ ڳئے، اڳلے سال دا بجٹ ٹیکس پالیسی دفتردی طرفوں ݙتا ویسی۔ انہاں آکھئے جو فیصلہ کیتا ڳئے جو چھل متاثرہ علاقیں وچ اپݨے زور بازو نال معاملات ٹھیک کیتے ونڄن، ایں دے بعد ݙوجھیں کنوں امداد منڳی ویسی۔ برآمدات وچ وادھے دی مدد نال ترقی کرݨ دی پالیسی تے کم کریندے پیوں، عوام ٹیکس ݙیسی تاں ترقی تھیسے۔ تقریب نال خطاب وچ وزیراعظم دے مشیر نجکاری محمد علی آکھئے جو آرٹیفیشل انٹیلیجنس دنیا دا منظر نامہ بدل ݙتے، اساں کنے ایں شعبے وچ اپݨی کارکردگی کوں بہتر بݨا??ݨ دی لوڑھ اے ۔ پاکستان دی اکانومی مارکیٹ بیس ہووݨی چاہیدی اے جیڑھی 24 کروڑ عوام دی نمائندگی کریسی۔ انہاں آکھئے جو ملک کوں ترقی دے رستے تے ٹوݨ کیتے پرائیویٹائزیشن دے ع??ل کوں شفافیت نال اڳوں ٹورݨ دی لوڑھ اے
.jpg)
