لاہور۔ 4 مئی (اے پی پی) جنوبی پنجاب دے مختلف ضلعیاں وچ آسمانی بجلی ڈِھݨ پاروں 4 شہری جاں بحق جݙاں جو 4 زخمی تھی ڳئے۔ ترجمان پی ڈی ایم اے موجب گزریل ݙینھ جنوبی پنجاب دے مختلف ضلعیاں وچ تکھا کھمݨ گاجاں نال مینھ ریکارڈ کیتا ڳئے ، ایں ویلھے آسمانی بجلی ڈھݨ پاروں 4 شہری جاں بحق جݙاں جو 4 زخمی تھی ڳئے، جاں بحق تھیوݨ آلے لوک راجن پور اَتے بہاولپور دے رہݨ آلے ہَن۔ ڈی جی پی ڈی ایم اے عرفان علی کاٹھیا متعلقہ ضلعیاں دے ڈی سیز نال ٹیلیفونک رابطہ کر تے زخمیاں کوں بہترین طبی امداد ݙیوݨ دیاں ہدایات جاری کیتن۔ عرفان علی کاٹھیا آکھیا جو جاں بحق تھیوݨ آلیں دے وارثاں دی مالی معاونت کیتی ویسی، انسانی جاناں دے ضیان تے ٻہوں افسوس اے۔ عرفان علی کاٹھیا آکھیے قدرتی آفتاں دا مقابلہ رَل تے اَتے ہِک ٻئے دی مدد نال ہی ممکن اے۔ اُنھاں عوام توں اپیل کیتی جو خراب موسم اَتے آسمانی بجلی دی گاج ویلھے محفوظ جاہیں تے رَہن کُھلے اَسمان تلے اصلوں نہ ونڄن۔
.jpg)
.jpg)
