اسلام آباد – 17 – ڊسمبر (اي پي پي) صدر آصف علي زرداري پاڪستان ۽ گڏيل عرب امارات (يو اي اي) جي وچ ۾ لاڳاپن کي ”مذهب، اعتماد ۽ گڏيل احترام“ تي ٻڌل هڪ مضبوط رشتو قرار ڏيندي انهن کي وڌيڪ مستحڪم ڪرڻ جي عزم جو و??جاءُ ڪيو آهي. هو اسلام آباد ۾ يو اي اي جي 53هين قومي ڏينهن ”عيدالاتحاد“ جي موقعي تي منعقد تقريب کي خطاب ڪري رهيو هو. تقريب ۾ وزيراعظم محمد شهباز شريف، پاڪستان ۾ يو اي اي جي سفير حماد عبيد ابراهيم سالم الزابي، سفارتي برادري جي ميمبرن ۽ سرڪاري عملدارن شرڪت ڪئي. تقريب کي خطاب ڪندي صدر چيو ته پاڪستا?? يو اي اي سان ا??فارميشن ٽيڪنالاجي، قابل تجديد توانائي، زراعت ۽ سياحت جهڙن ا??م شعبن ۾ تعاون وڌائڻ جو خواهشمند آهي. ه?? يو اي اي جي ڪاروباري ادارن کي پاڪستان جي معيشت بشمول پاڪستان اسٽاڪ ايڪسچينج، قابل تجديد توانائي ۽ ٻين موقعن سان ڀرپور شعبن ۾ سيڙپڪاري جي دعوت ڏني، ڇو ته ملڪ هڪ اهڙو سيڙپڪاري دوست ماحول پيش ڪري ٿو. صدر چيو ته پاڪ – يو اي اي لاڳاپا هڪ قابل اعتماد اسٽريٽجڪ حصيداري ۾ اچي چڪا آهن جيڪا سياسي، معاشي ۽ سماجي رخن تي ٻڌل آهي. هن چيو ته يو اي اي پاڪستان جو هڪ اهم ترين معاشي حصيدار ۽ ملڪ ۾ سيڙپڪاري ڪندڙ وڏو ملڪ آهي. صدر چيو ته تازو ئي سامونڊي، لاجسٽڪس ۽ هوابازي جهڙن شعبن ۾ ڪيترن ئي معاهدن تي صحيحو?? يو اي اي جي پاڪستان جي معاشي صلاحيت تي پختي حمايت ۽ اعتماد جي عڪاسي ڪن ٿيون. هن ا??يد ظاهر ڪئي ته ٻطرفو تعاون وڌيڪ مضب??ط ٿيندو. تاريخي لاڳاپن کي اجاگر ڪندي صدر چيو ته پاڪستان اهو پهريون ملڪ هو جنه?? يو اي اي قائم ٿيڻ کان اڳ ئي ان سان سفارتي لاڳاپا قائم ڪيا. هن پاڪستان جي مشڪل وقتن ۾ يو اي اي جي مسلسل حمايت تي ٿورا مڃيا. صدر يو اي اي ۾ رهندڙ 18 لک پاڪستانين جي ڪردار کي پڻ ساراهيو جيڪي ٻنهي ملڪن جي ترقي ۾ اهم ڪردار ادا ڪري رهيا آهن. هن چيو ته اهي عوامي لاڳاپا اسان جي ملڪن جي وچ ۾ گڏيل اعتماد ۽ خيرسگالي جو اعليٰ مثال آهي. صدر يو اي اي جي صدر شيخ محمد بن زايد النهيان، نائب صدر ۽ وزيراعظم شيخ محمد بن راشد المڪتوم ۽ عوام کي يو اي اي جي قومي ڏينهن تي دل جي گهراين سان مبارڪباد ڏني.
.jpg)
.jpg)
.jpg)
