اسلام آباد۔20اگست (اے پی پی) وفاقی وزیر داخلہ محسن نقوی پاک فضائیہ دے شہید پائلٹ افسر راشد منہاس کوں خراج عقیدت پیش کریندیں آکھیے جو راشد منہاس بہادری، بے خوفی اتے حب الوطنی دی انوکھی مثال ہن، انہاں ناقابل فراموش قربانی ݙے تے دشمن دے گندے عزم کوں مٹی اچ رلا ݙتا۔آپݨے پیغام اچ وزیر داخلہ محسن نقوی آکھیے جو فضائیہ دے شاہین راشد منہاس جرأت اتے پاکستان نال بے مثال محبت دی تاریخ رقم کیتی۔ غدار وطن طیارہ اغوا کرݨ دی کوشش کیتی تاں راشد منہاس جان دی پرواہ کیتے بغیر سازش کوں ناکام بݨایا۔ انہاں آکھیا جو شہید پائلٹ افسر راشد منہاس دے جذبہ حب الوطنی دی روشنی اڄ وی ساݙے دلاں کوں روشن کریندی اے۔ شہید پائلٹ افسر راشد منہاس دشمن کوں واضح پیغام ݙتا جو پاکستان دیاں فضائیہ دشمن دیاں چالاں دا کݙاہیں وی شکار نہ تھیسن۔ ایں وݙی قربانی ثابت کیتا جو اصل بہادری او اے جیڑھی جان ہتھیلی تے رکھ تے وطن دی عزت بچاوے اتے راشد منہاس ایں دی جیندی جاڳدی مثال ہن۔ اڄوکی جنگ اچ وی پاک فضائیہ دے شاہیناں دشمن دے 6 جنگی طیارے ڈھا تے عبرتناک شکست ݙتی۔ محسن نقوی آکھیا جو پاک فضائیہ بہترین حکمت عملی اتے پیشہ ورانہ صلاحیتاں دا مظاہرہ کر تے آپݨی فضائی برتری برقرار رکھی جیں کوں دنیا وی منیا۔ پاک فضائیہ دا ہر شاہین شہید پائلٹ افسر راشد منہاس جیھی غیر معمولی جرأت اتے بے مثال جذبہ حب الوطنی نال بھریا ہویا اے۔ شہید افسر پائلٹ راشد منہاس وانڳوں دفاع وطن کیتے ہر ویلھے تیار آپݨے نڈر اتے جانثار شاہیناں تے ماݨ اے۔ راشد منہاس دی قربانی ہک ݙیوا اے جیڑھا آوݨ آلیاں نسلاں کیتے جذبے دی کرن اے
.jpg)
.jpg)
.jpg)
