آذربائیجان تے آرمینیا وچال انسانی بنیاداں تے اعلان کیتی گئی جنگ بندی تے مثبت پیش رفت اے، شاہ محمود قریشی
اسلام آباد۔20اکتوبر (اے پی پی):وزیر خارجہ مخدوم شاہ محمود قریشی منگل کوں آذربائیجان دے وزیر خارجہ جے ہون بائرموف نال ٹیلیفونک رابطہ کیتا۔ڈوہیں رہنماواں ڈو پاسے تعلقات ، آزربائیجان اتے آرمینیا وچال جھیڑے سودھے دلچسپی دے امور تے گال مہاڑ کیتی گئی ۔ڈوہیں خارجہ تجارت، تعلیم،اتے ثقافت سودھے ودھ سارے شعبیں اچ ڈو پاسے تعاون کوں مزید ودھارا ڈیونڑ تے اتفاق کیتا ۔شاہ محمود قریشی آکھیا جو پاکستان کوں” نگورنو کاراباخ” اچ امن و امان دی مخدوش صورتحال تے ودھ ساری تشویش اے ۔آرمینیا ولوں آذربائیجان دی دیہاتی آبادی تے گولہ باری قابلِ مذمت اے۔پاکستان ایں اوکھے ویلھے آذربائیجان دی قیادت و عوام دے رلے کھڑے ۔وزیر خارجہ آکھیا جو اساں نگورنو کاراباخ دے حوالے نال آذربائیجان دے موقف دی حمایت کریندوں ۔آذربائیجان اتے آرمینیا وچال انسانی بنیاداں تے اعلان کیتی گئی جنگ بندی امن و استحکام کیتے ہک مثبت پیشرفت اے ۔ شاہ محمود قریشی آکھیا جو فریقین وچال پائیدار امن دا انحصار اقوام متحدہ دی سلامتی کونسل دیاں قرارداداں تے مکمل عملدرآمد اتے آذربائیجان دے علاقیں توں آرمینیائی فوج دے انخلا تے ہوسی ۔آزر ی وزیر خارجہ اجوکے جھیڑے اچ پاکستان ولوں بھرپور حمایت تے وزیر خارجہ دا شکریہ ادا کیتا۔
