اسلام آباد۔28جنوری(اے پی پی)پاکستان عالمی برادری کوں آکھیے جو او”ڄق اچ پاکستان مخالف پروپیگنڈا“ اتے ”ریاستی سرپرستی اچ دہشت گردی“کرݨ آلے ملک دی حیثیت نال بھارت دا حقیقی چہرہ ݙیکھن، پاکستان نویں امریکی انتظامیہ نال رل تے کثیر الاجہتی، پائیدار اتے ݙو طرفہ مفاد آلے تعلقات ٻئے تکڑے کرݨ چاہندے،پاکستان خطے اچ امن، استحکام اتے خوشحالی کیتے امریکا نال ساجھے داری چاہندے۔ اے ڳالھ ترجمان دفتر خارجہ زاہد حفیظ چوہدری ہفتہ وار پریس بریفنگ اچ آکھی۔ انہاں آکھیے جو بھارت پورے ڄڳ اچ بے نقاب تھی چکیے، پاکستان دے خلاف بھارتی پروپیڳنݙہ بے نقاب تھیوݨ ایندے فسادی، دہشتگرد دے ٻانھ ٻیل چہرے کوں واڄح کریندے جیڑھا اے کئی ڈھاکیاں توں پاکستان دے خلاف ورتیندا پئے، بھارت دی بین الاقوامی سطح تے پاکستان دے خلاف جعلی خبراں دی مہم بارے یورپی یونین ڈس انفو لیب رپورٹ جاری تھیوݨ دے بعد انٹر نیشنل سکروٹنی جاری اے، اے بھارت دا رویہ ہی اے جیں پاروں پورے ڄڳ اچ کشمیریاں بھارتی یوم جمہوریہ کوں یوم سیاہ آلی کار منائے اتے سنیہا ݙتے جو کشمیری کݙاھیں وی جموں و کشمیر تے بھارتی غیر قانونی تسلط نہ منیسن۔
