لاہور۔16ستمبر (اے پی پی) وزیراعلیٰ عثمان بزدار آکھیا جو قوم اپوزیشن دے غیر ذمہ دارانہ رویے کوں کݙاہیں معاف کائنا کریسی، اپوزیشن کورونا تے وی سیاست چمکاوݨ دی ناکام کوشش کیتی اے۔ وزیراعلیٰ پنجاب عثمان بزدار آپݨے بیان اچ آکھیا جو بصیرت توں عاری اپوزیشن ذاتی فائدہ چاہندن، مفاد پرستاں دے ایں ٹولے عوام کوں ہر موقع تے کلھا چھوڑے، حکومت دے ویلھے تے اقدامات پاروں کورونا وبا تے اپوزیشن دی پوائنٹ سکورنگ فلاپ رہی اے، قوم اپوزیشن دے غیر ذمہ دارانہ رویے کوں کݙاہیں معاف کائنا کریسی۔
