اسلام آباد۔16اکتوبر(اے پی پی)وفاقی وزیر خزانہ و محصولات سینیٹر محمد اورنگزیب آکھیے جو ملکی معیشت دی سِمت درست اے اتے کلیدی معاشی اشاریں توں معیشت دی بہتری دی عکاسی تھیندی پئی اے، ٹیکس ??ودھے کلیدی شعبیں اچ ڈھانچہ جاتی اصلاحات تے عملدرآمد جاری اے، قومی مالیاتی کمیشن دا اجلاس نومبر دے شروع اچ تھیوݨ دا امکان اے، ریکوڈک منصوبے تے پیشرفت جاری اے اتے اے منصوبہ حقیقی گیم چینجر ثابت تھیسی۔ اے ڳالھ انہاں واشنگٹن ڈی سی اچ امریکی تھنک ٹینک اٹلانٹک کونسل نال خطاب کریندے آکھی ۔ وزیر خزانہ آکھیا جو میکرو معیشت دی صورتحال مستحکم اے، معیشت دی سِمت درست اے اتے کلیدی معاشی اشاریں توں معیشت دی بہتری دی عکاسی تھیندی پئی اے، آئی ایم ایف دے توسیعی فنڈ سہولت دے ݙوجھے جائزے اتے آر ایس ایف دے تحت پہلے جائزے دی تکمیل تے آئی ایم ایف دے نال سٹاف سطح دا معاہدہ تھئے، ایں توں بین الاقوامی اداریں دا ملکی معیشت تے اعتماد ظاہر تھیندا پئے، ترائے سالاں دے بعد کریڈٹ ریٹنگ دیاں ترائے بین الاقوامی ایجنسیاں پاکستان دی کریڈٹ ریٹنگ بہتر کرݙتی اے۔ وزیر خزانہ آکھیا جو آبا??ی اچ ودھارا اتے موسمیاتی تبدیلیاں پاکستان کیتے ݙو بنیادی خطرے ہن، اساں ایں ویلھے موسمیاتی تبدیلیاں تے آپݨی توجہ ݙتی ہوئی اے، 2010، 2022 اتے اڄوکی چھل توں موسمیاتی تبدیلیاں ظاہر تھیندیاں پئن ، ایں توں اے وی ظاہر تھیندا پئے جو ایں دی شدت اچ ودھارا تھیندا پئے۔ وزیر خزانہ آکھیا جو چھل دے بعد ضیان دا تفصیلی جائزہ گھنݨ اچ کئی مہینے لڳدن ، اڄویکی چھل دے بعد وزیراعظم اتے حکومت آپݨے وسائل دے اندر رہندے ریسکیو اتے ریلیف اقدامات دا فیصلہ کیتا اتے 300 ݙینھ کیتے ایکشن پلان دا اعلان کیتا۔ انہاں آکھیا جو اڄوکے سال اقتصادی ودھارے دی شرح 4 فیصد تئیں رہݨ دا امکان اے پر چھل توں زراعت اتے اہم فصلاں کوں تھیوݨ آلے ضیان تناظر اچ ایں اچ کمی بیشی تھی سڳ??ی اے۔ وزیر خزانہ آکھیا جو ٹیکس ??ودھے کلیدی شعبیں اچ ڈھانچہ جاتی اصلاحات تے عملدرآمد جاری اے، گزریل سال جی ڈی پی دے تناسب نال ٹیکساں دی شرح 8.8 فیصد ہئی، گزریل مالی سال دے مکݨ تے اے شرح 10.2 فیصد تھی ڳئی، جاری مالی سال دے اختتام تے اے شرح 11 فیصد تئیں اتے آوݨ آلے سال 13 فیصد تئیں کرݨ کیتے پرعزم ہن، حکومت ݙوجھے شعبیں کوں ٹیکس ن??ٹ اچ گھن آوݨ کیتے اقدامات کیتن، گزریل سال زرعی انکم ٹیکس ??ے حوالے نال قانون سازی تھئی، ریٹیل اتے ہول سیل کوں ٹیکس ن??ٹ اچ گھن آیا ویندا پئے، ایں طرح سیلز ٹیکس ??جیم تے وی توجہ ݙتی ویندی پئی اے اتے ایں مقصد کیتے ٹیکنالوجی توں فیدہ گھدا ویندا پئے۔ کھنڈ ، سیمنٹ اتے تماخوں سودھے کئی شعبیں اچ ڈیجیٹل نگرانی شروع کیتی ڳئی اے، حکومت ٹیکس نظام کوں معقول بݨاوݨ اچ سنجیدہ اے۔ وزیر خزانہ آکھیا جو حکومت قرضیں دے انتظام و انصرام کیتے اقدامات کیتن، پالیسی ر??ٹ اچ کمی نال ادائیگیاں اچ فیدہ تھئے، گزریل سال قومی مالیاتی معاہدہ دا آغاز تھیا، صدر مملکت این ایف سی ایوارڈ کیتے کمیشن تشکیل ݙے ݙتے، کمیشن دا ابتدائی اجلاس ستمبر اچ تھیوݨا ہئی پر چھل پاروں اے اے دیر دا شکار تھیا، ہݨ نومبر دے شروع اچ افتتاحی اجلاس تھیوݨ دا امکان اے، این ایف سی دے حوالے نال فیصلے اتفاق رائے نال تھیوݨن۔ وزیر خزانہ آکھیا جو پائیدار معاشی ترقی کیتے برآمدات تے مبنی ودھارا ضروری اے، اساکوں ماضی دے لہہ چڑھ آلے چکراں توں نِکل تے معیشت کوں پائیدار استحکام دے رستے تے ٹورݨا ہوسی، حکومت ایں سلسلے اچ اقدامات کریندی پئی اے، ٹیکس، توانائی، ٹیرف کوں معقول بݨاوݨ، تقسیم کار کمپنیاں دی نجکاری سودھے کئی اقدامات کیتے ویندے پئن۔ حکومت برآمدات، تجارت اتے سرمایہ کاری کیتے جی سی سی اتے وسطی ایشیا سودھے ݙوجھے خطیں تے توجہ ݙیندی پئی اے، ریکوڈک منصوبے تے پیشرفت جاری اے اتے اے منصوبہ حقیقی گیم چینجر ثابت تھیسی، آپریشنل تھیوݨ دے بعد ریکوڈک توں 2.8 ارب ڈالر سالانہ برآمدات دی توقع اے۔ انہاں آکھیا جو پیداوار اچ ودھارا اساݙی ترجیح اے، پاکستان اچ آٹو دی صنعت برآمدات شروع کر ݙتی اے اتے توقع اے جو ایں سلسلے اچ ودھارا تھیسی۔
