اسلام آباد – 13 – نومبر (اي پي پي) قومي اسيمبلي جي اطلاعات ۽ نشريات بابت اسٽينڊنگ ڪميٽي ڪجهه ميڊيا هائوسز پاران پگهارن جي عدم ادائيگي ۽ اڳواٽ اطلاع کانسواءِ ورڪرز جون نوڪريون ختم ڪرڻ تي ڳڻتي جو اظهار ڪندي پيمرا ۽ امپلي مينٽيشن ٽربيونل فار نيوز پيپر ايمپلائيز (آءِ ٽي اين اي) کي اليڪٽرانڪ ۽ پرنٽ ميڊيا ورڪرز جي پگهارن جي ادائيگي يقيني بڻائڻ جي لاءِ قدم کڻڻ جي هدايت ڪئي آهي. اسٽينڊنگ ڪميٽي ان سلسلي ۾ قومي اسيمبلي ميمبر سيد امين الحق جي سربراهي ۾ هڪ ذيلي ڪميٽي جوڙي ڇڏي جيڪا ملازمن جي پگهارن، رهتن جي ادائيگي جي موجوده صورتحال ۽ ميڊيا ورڪرز جي حقن کي يقيني بڻائڻ جي لاءِ قدم تجويز ڪندي. قومي اسيمبلي سيڪريٽريٽ پاران ج??ري پڌرائي موجب قومي اسيمبلي جي اسٽينڊنگ ڪميٽي جو اجلاس ق??مي اسيمبلي ميمبر پولين بلوچ جي صدارت ۾ پيمرا هيڊڪوارٽرز اسلام آباد ۾ ٿيو جنهن ۾ پي ٽي وي، پيمرا سميت ميڊيا ورڪرز جي پگهارن جي ادائيگي ۽ شاليمار رڪارڊنگ اينڊ براڊ ڪاسٽنگ جي ملازمن جي پگهارن ۽ ٻين رهتن بابت ايجنڊا ت?? غور ڪيو ويو. ڪميٽي ميڊيا ورڪرز کي پگهارن جي ادائيگي بابت مسئلن تي ڳالهه ٻولهه ڪندي راءِ ڏني ته ڪميٽي پگهارن جي ادائيگي ۽ انهن جي رهتن جي ادائيگي کي يقيني بڻائڻ جي لاءِ ڪا ڪسر نه ڇڏيندي. پيمرا ۽ آءِ ٽي اين اي جي پگهارن جي ادائيگي جي حصول جي لاءِ ڪيل ڪوششن کي ساراهيندي ڪميٽي ميڊيا ورڪرز جي حقن جي پاسد??ري جي لاءِ پارليامينٽ جي لاڳاپيل قانونن ۾ سخت ضابطا آڻڻ جو پڻ مشورو ڏنو. ڪميٽي پيمرا بورڊ جي باقي ميمبرن، صوبائي ڪائونسل آف ڪمپلينٽس ۽ آءِ ٽي اين اي جي هڪ ميمبر جي جلد مقرري جي پڻ هدايت ڪئي. چيئرمين ۽ ڊائريڪٽر جنرل (آپريشنز) پيمرا ڪميٽي کي اٿارٽي جي جوڙجڪ جي وقت کان ان جي ڪم ۽ ڪارڪردگي بابت بريفنگ ڏني. ڪميٽي کي آگاهه ڪيو ويو ته پيمرا کي ايڪٽ تحت اليڪٽرانڪ ميڊيا جي سهولت ۽ ريگيوليشن جو ڪم ڏنو ويو آهي. ڊائريڪٽر جنرل ڪميٽي کي اٿارٽي جي تنظيمي ڍانچي، پيمرا بورڊ ۽ شڪايت ڪائونسل جي جوڙجڪ بابت آگاهه ڪيو. هن ٻڌايو ته پارليامينٽ جي ايڪٽ 2023ع ۾ ترميم جي ذريعي اليڪٽرانڪ ميڊيا ورڪرز کي وقت سر پگهارون ادا ڪرڻ پيمرا جي حوالي ڪيو ويو آهي. هن وڌيڪ ٻڌايو ته اٿارٽي جي ريگيوليٽري مڪينزم کي مضبوط بڻائڻ جي لاءِ ايڪٽ جي لاڳاپيل شقن ۾ پڻ ترميم ڪئي وئي آهي. هن ڪائونسل آف ڪمپلينٽس ۾ التوا هيٺ شڪايتن جي ازالي بابت آگاهه ڪيو. ڪميٽي ٽي وي چينلز تي ڊراما ۽ اشتهار نشر ڪرڻ جي لاءِ هڪ ضابطه اخلاق جوڙڻ جو مشورو ڏنو جيڪو سماجي ۽ مذهبي روايتن موجب هجي. ڪميٽي پيمرا کي هدايت ڪئي ته هو پنهنجي ريگيوليٽري مڪينزم کي خاص طور تي ننڍن شهرن ۽ ڳوٺاڻي علائقن ۾ مضبوط بڻائي ته جيئن ڪيبل نيٽ ورڪس تي اٿارٽي پاران منظور ٿيل مواد جي ورڇ کي چيڪ ڪر?? سگهجي. ڪميٽي پي ٽي وي بابت معاملن تي بحث ڪندي پي ٽي وي جي پي رول تي رکيل سمورن اينڪرز ۽ پينلسٽس جي پگهارن جي پئڪيجز جا تفصيل طلب ڪيا. ڪميٽي اطلاعات و??ري وزارت کي چيو ته اها پي ٽي وي کي هڪ مخصوص تعليمي چينل جي لاءِ شروعاتي تجويز تيار ڪرڻ جي لاءِ مناسب هدايتون ج??ري ڪري. ڪميٽي جي اجلاس ۾ شاليمار رڪارڊنگ ڪمپني جا معاملا پڻ بحث هيٺ آيا. اجلاس ۾ اطلاعات ۽ نشريات و??ري پارلياماني سيڪريٽري دانيال چوڌري، قومي ۽ صوبائي اسيمبلي ميمبرن محمد حنيف عباسي، سعد وسيم، ڪر?? عمران ڊار، آسيه ناز تنولي، سحر ڪامران، سيد امين الحق، محمد معظم علي خان، مولانا عبدالغفور حيدري، اطلاعات ۽ نشريات و??ري جوائنٽ سيڪريٽري، پيمرا چيئرمين ۽ لاڳاپيل ادارن جي آفيسرن شرڪت ڪئي.
