??سل??م آباد ۔ 13 مئی۔ وزیراعظم دی معاون خصوصی اطلاعات ڈاکٹر فردوس عاشق اعوان شاہ عبداللطیف سوشل اینڈ کلچرل ایس??سی ایشن دے زیر اہتمام حضرت لعل شہبازقلندر دے 767 ویں عرس دے حوالے نال قومی ادبی سیمینار توں خطاب کریندے ہوئیں آکھیا جو ??سل??م دے خلاف منفی تاثر کو مکاونڑ سانگے صوفیاءکرام دی تعلیمات کوں ودھاونڑدی ضرورت ہے ،صوفیاءکرام دی سوچ انسانیت نال محبت، امن، بھ??ئی چارے اتے بین المذاہب ہم آہنگی دے پرچار تے مبنی ہوندی ہے ، آئی ایم ا??ف ہک ایجھی کوڑی گولی ہے جیرھی جوحکومت کو ں کھاونڑ پئی، حکومت وزیراعظم عمران خان دی قیادت اچ نیشنل ایکشن پ??ان تے عملدرآمد دا مشکل فیصلہ کیتے۔انہاں آکھیا جو پاکستان اچ آئی ایم ایف دے ناں تے میڈیا اچ بھونچال آیا ہوئے ، اپوزیشن سانگے ہر دلعزیز لفظ اتے جملہ آئی ایم ایف بنڑا ہوئے ، پاکستان اچ آئی ایم ایف اتنا مشہور تھی گئے جو ایندا آئی ایم ایف آلیاں کوں وی پتہ کائنی ہے۔ انہاں آکھیا جو آئی ایم ایف وی عوام کوں ریلیف ڈیونڑ سانگے ہک کڑی ہے، حالات خراب ہونڑ تاں ڈاکٹر وی کوڑی گولی ٹکی ڈیندے ، آئی ایم ایف دی ہک کوڑی گولی ہے جیرھی جو حکومت کوں کھاونڑ پئی۔انہاں آکھیا جوآئی ایم ایف دی کوڑی گولی لانگ ٹرم ریلیف سانگے ہے، حکومت ایں اقدام دے بعد ملکی معیشت اپنڑے پیراں تے کھڑسی۔
