مظفر آباد۔5فروری(اے پی پی) وزیراعظم محمد شہبازشریف آکھیے گزریل 75 سالاں توں کشمیری بھرا، بھیݨاں، ماواں ، ٻال تے نینگراں جیں دلیری اتے جرات نال بھارتی ظلم وجبردا مقابلہ کیتے جیڑھیاں عظیم قربانیاں ݙتن او ضرور رنگ گھن آسن ، ساری سیاسی جماعتاں دا مسئلہ کشمیرتے ھک آواز تھیوݨ بھارت کیتے موثر پیغام ثابت تھیسی ، بھارت کشمیر ??وں دنیا دی ساریں توں وݙی جیل اچ بدال ݙتے، کشمیریاں ??وں آزادی ݙیواوݨ کیتے پاکستان ??وں معاشی طاقت بݨاوݨا ہوسی ۔ اتوار ??وں یوم یکجہتی کشمیر دے موقع تے آزاد کشمیر قانون ساز اسمبلی توں خطاب کریندے ہوئیں وزیراعظم شہباز شریف آکھیے انہاں کیتے اے ڳالھ قابل فخر اے جو او اڄ ایں جاہ تے کھڑن جیں ??وں بابائے قوم قائداعظم محمد علی ج??اح پاکستان دی شہ رگ قرار ݙتا ہئی ، پاکستان اچ تقسیم در تقسیم دے باوجود کشمیر تے یکجہتی اتے اتفاق و اتحاد اے، وزیراعظم آزاد کشمیر می??وں اتھاں آوݨ دی دعوت ݙتی تاں میں آپݨے معروضات پیش کرسڳاں تے تساں نال مل تے کشمیر پالیسی اچ مزید جدت اتے قوت پیدا کرݨ کیتے صلاح مشورہ کرسڳاں ?? انہاں آکھیے اڄ معاشرے اچ تقسیم در تقسیم پیدا تھی چکی اے جیڑھا جو افسوسناک مگر اڄ مظفر آباد اچ موجود ساری سیاسی جماعتاں دے اکابرین اتے ممبران جیں اتفاق و اتحاد، یکجہتی اتے یگانگت دا مظاہرہ کیتے ایں توں ہندوستان دے در و دیوار، ہندوستان دی حکومت اتے اغیار ضرور پریشان ہ??سن تے انہاں ??وں پریشان ہ??وݨا وی چاہیدے کیوں جو جݙاں کہیں قوم اچ اتحاد و اتفاق پیدا تھیندے تاں اللہ تعالی دے فضل و کرم نال ایں قوم دے اہداف گھنݨ نال طاقت اتے جلا ملدی اے ۔ وزیراعظم آکھیے کشمیردی وادی اچ 75 سالاں توں نہتے اتے بے گناہ کشمیری مسلماناں دا خون وہندا پئے ، پوری دنیا ایں نکے ٻال دی تصویر ݙٹھی جیڑھا آپݨے نانے دی چھاتی تے بیٹھا اداسی نال آسمان ݙیکھدا پیا ہئی ، گزیل 75 سال توں لکھاں مسلماناں ??وں ظلم و ستم دا نشانہ بݨایا ڳیا، لکھاں شہید کیتے ڳئے ، نریندر مودی اگست 2019ء اچ کشمیر دی خصوصی حیثیت کھس تے پوری وادی جیل بݨا ݙتے، اے ظلم زیادہ دیرنی چل سڳدا ۔ انہاں آکھیے کشمیری ماواں ٻالاں تے بھیݨاں جیں دلیری نال مقابلہ کیتے جیڑھیاں عظیم قربانیاں ݙتن او ضروررنگ گھن آسن ۔ وزیراعظم آکھیے او سمجھدن جو کشمیر دے مسئلے تے دنیا ڳالھ نی کریندی ، دنیا دی طاقتاں مذہبی بنیاداں تے سوڈان ??وں ونڈیا ، مشرقی تیمور انڈونیشیا دا حصہ ہئی این??وں کٹ تے مذہبی بنیاداں تے آزادی ݙیوائی ، ایویں عالمی قوتاں شمالی آئر لینڈ اچ سیاسی و مذہبی بنیاداں تے انہاں ??وں آزادی ݙتی مگر جݙاں بوسنیا دی ڳالھ آندی اے تاں ترقی یافتہ ملکاں اوں ویلھے چپ رہیے جݙاں تئیں ہزاراں لوکاں دا خون نی وٹھا ، ہزاراں ماواں دے بوچھݨ ٰنہ پھٹیے اتھاں بدترین ظلم تھئے ، اجتماعی قبراں بݨائیاں ڳیاں ، سارے ترقی یافتہ دنیا چپ رہی، جݙاں نہتے مسلماناں دے خون دی نشانیاں پوری دنیا اچ ݙکھائیاں ڳیاں انہاں دی اکھیں کھلیاں ، ایویں فلسطین اچ وی ظلم کیتے ویندے پئن تے کوشش کیتی ویندی پئی اے جو ظالم تے مظلوم ??وں برابر قرار ݙتا ونڄے قصور اے ہے جو کشمیری اتے فلسطینی مسلمان ہ??۔ انہاں آکھیے گزریل 75 سال اچ پاکستان دے عوام اتے ساریاں حکومتاں کشمیر کاز دی ڳالھ کیتی او دلوں کشمیردی حمایت کریندن ، 1954ء اچ نہرو لوک سبھا اچ آکھیا ہئی جو اساں کشمیریاں ??وں حق خود ارادیت ݙویسوں ، اے لالے دی کوڑ، فریب اتے مکر دی کہانیاں ??ن جیڑھیاں پوری دنیا اچ پکارپکار تے آکھدیاں پئن جو لالے ہر جاہ کوڑ ماریے فریب نال کم ڳھدا ۔ وزیراعظم آکھیے معاشی چیلنجز دے باوجود آزاد کشمیر اسمبلی دے سپیکر اتے وزیراعظم آزاد کشمیردے پاوں چاتے ونڄݨ آلے مطالبات دا جائزہ ڳھدا ویسی ۔ انہاں آکھیے آئی ایم ایف دا وفد پاکستان آئے تے ھک ھک سبسڈی دا جائزہ گھندا پئے اسا??وں زندہ رہݨا اے جے ایں طرح زندہ رہݨا اے جیویں زندہ قوماں رہندن ، قوم ??وں اتفاق و اتحاد اتے عزم ںال معاشی چینلجاں دا مقابلہ کرݨا ہوسی تے بے کاری پن ??وں مکاوݨا ہوسی ۔ جے ساݙے قول و فعل اچ تضاد مک ونڄے تاں ساݙی بیڑی کنارے لڳ سڳدی اے ۔
