میرپور ۔ 25 ستمبر (اے پی پی) نیشنل ڈیزاسٹر مینجمنٹ اتھارٹی (این ڈی ایم اے ) دے چیئرمین لیفٹیننٹ جنرل (ر) جنرل افضل میر پوراچ زلزلے نال 24 لوکاں دے مرنڑ،400 سو گھراں دے متاثر تھیونڑ اتے 14کلو میٹر سڑک تباہ تھیونڑ دی تصدیق کریندے آکھیے جو این ڈی ایم اے ریسکیواتے ریلیف دا کم شروع کرڈتے،پیونڑ دے پانڑی دیاں 50 ہزار بوتلاں اتے دو سو ٹینٹ ڈتے گین،متاثرہ سڑکاں تیکھے بحال کر ڈتیاں ویسن۔ میر پور دے علاقے جاتلاں اچ وزیراعظم دی معاون خصوصی برائے اطلاعات و نشریات دے رلے میڈیا بریفنگ اچ انہاں ااکھیے جو زلزلے نال جاتلاں ودھ متاثر تھئے، سنگ سکری اچ وی نقصان تھین، مرنڑ آلیاں اچ 9بندے جاتلاں،یارھاں افضل پور،ہک اسلام گڑھ،ترائے نیڑے دے علاقیاں دے ہین جڈاں جو دینہ اچ ہک تریمت کندھ ڈھانڑ نال موئی اے،مختلف علاقیاں توں ترائے سو توں ودھ زخمی میر پوردے سرکاری اتے نجی ہسپتالاں اچ پچائے گین جیندے اچوں 220 ڈسچارج کر دتے گین باقی اسی حالی وی زیر علاج ہین۔انہاں آکھیے جو متاثرہ علاقیاں اچ پاک فوج، این ڈی ایم اے، مقامی انتظامیہ اتے بئے ریسکیوادارے امدادی سرکگرمیاں اچ ردھیے ہوئن۔انہاں آکھیے جو ہک سو پینتری گھر مکمل تباہ تھین،چیچا توں جاتلاں تئیں 14 کلو میٹر سڑک متاثر تھئی اے،پاک فوج دے 20 مشینی دستے متاثرہ علاقیاں اچ سڑک بحالی دا کم کریندے پین،مٹاچرین کوں ٹینٹ اتے ہک مہینے دا راشن ڈتا ویندا پئے،امداد کیتے کئی ملکاں رابطہ کیتے بھل حالی تئیں حالات قابو اچ ہین اتے متاثرین دی مکمل امداد اپنڑے وسائل نال کریسوں جیکر لوڑھ پئی تاں مدد منگسوں۔
