لاہور۔7مارچ(اے پی پی):وزیراعظم محمد شہباز شریف دی ہدایت تے حکومت پنجاب مہانگ دے ستائے عوام کیتے وݙا رمضان پیکج تیار کیتے جیں دے تحت غریب گھراݨیں کوں مفت اٹ?? ݙتا ویسی ۔ اے فیصلہ منڳل کوں وزیراعظم دی زیر صدارت پنجاب اچ رمضان پیکج دے تحت مفت اٹے دی فر??ہمی دے جائزہ اجلاس اچ کیتا ڳئے ۔پہلی واری غریب گھراݨیں کوں مفت اٹے دی فر??ہمی دا اے اپݨی نوعیت دا پہلا پیکج اے جیڑھا جو وزیراعظم دی خصوصی ہدایت تے تیار کیتا ڳئے ۔ پہلے مرحلے اچ صوبہ پنجاب اچ غریب لوکاں کوں خصوصی رمضان پیکج دے تحت مفت اٹ?? ݙتا ویسی ۔ وزیراعظم غریب گھراݨیں کوں رمضان پیکج دے تحت اٹے دی فر??ہمی تے جامع حکمت عملی وختی مکمل کرݨ دی ہدایت کریندے ہوئیں آکھیے ماہ رمضان اچ روزہ داراں کوں ودھ توں ودھ ریلیف ݙتا ونڄے۔ وزیراعظم دی ہدایت تے پنجاب ماڈل دی طرز تے پورے ملک اچ رمضان پیکج دی غریب عوام کوں فر??ہمی کیتے وفاق صوبیں کوں ہر ممکن تعاون ݙیسی ۔ اجلاس اچ چیف سیکرٹری پنجاب زاہد اختر زمان اتے سیکرٹری خزانہ مجاہد شیر دل رمضان پیکج دے حوالے نال وزیر اعظم کوں بریفنگ ݙتی۔ نگران وزیراعلیٰ پنجاب سید محسن ??ضا نقوی دے علاوہ سیکرٹری فوڈ تے ٻئے اعلی حکام وی اجلاس اچ شریک تھئن ۔
