اسلام آباد۔1فروری (اے پی پی):وزیر مذہبی امور انیق احمد خمیس کوں پاکستان اچ تعینات سعودی سفیر نواف سعید المالکی نال ملاقات کیتی ۔ ݙوہیں رہنماواں وچال آندے حج انتظامات کوں چھیکڑی شکل ݙیوݨ دے حوالے نال کئی نکتے زیر بحث آئے۔ وزیر مذہبی امور انیق احمد آکھیے اڄوکے سال ویلھے توں پہلے سارے امور کوں بہترین انداز اچ مکمل کیتا ویندا پئے ۔ پاکستانی عازمینِ حج سعودی ویزہ بائیو ایپ دی مدد نال گھر ٻیٹھے بائیو میٹرک کرسڳسن ۔ وزارت آندے ہفتے عازمینِ حج دی جامع تربیت تے بائیو میٹرک شیڈول دا اعلان کریسی ۔ اڄوکے سال پاکستانی حجاج دی سہولت سانڳے کئی من??رد تے مثالی اقدامات چاتے ڳئن۔ سعودی سفیر نواف سعید المالکی بہترین خدمات ݙیوݨ تے ایوارڈ گھنݨ آلے پہلے ترائے ملکاں اچ پاکستان حج مشن دی شمولیت تے مبارخ ݙیندے ہوئیں آکھیے وزیر مذہبی امور انیق احمد دی طرفوں حاجیاں کوں بہترین سہولتاں ݙیوݨ لائق تحسین اے ۔ حجاج کرام کوں سہولتاں تے خدمات ݙیوݨ اچ پاکستانی وزارتِ مذہبی امور تے حج مشن دا کردار قابلِ تقلید اے۔
